ᐋᖅᑭᒃᓱᕐᑕᐅᓂᑯᐃᑦ ᐊᐃᒃᓇᔅ ᐃᑐᕆᖕᑕᓐ ᑎᑎᕋᐅᔭᕐᓯᒪᔪᖃᕐᕕᐊᓐ, ᐊᒻᒪ ᑲᓇᑕᒥ ᐃᓄᓯᐅᓚᐅᕐᑐᓂᒃ ᑕᑯᔭᒐᖃᕐᕕᒃ, ᑳᑦᓄᑦ, ᑯᐸᐃᒃᒥ, ᑮᓇᐅᔭᑎᒍᑦ ᐊᒻᒪ ᐊᔾᔨᒌᖏᑦᑐᓄᑦ ᓄᓇᕗᒻᒥ ᑲᑐᔾᔨᖃᑎᒌᓄᑦ, ᐅᑯᓄᖓ ᒥᑦᑎᒪᑕᓕᒻᒥ ᑕᑯᔭᒐᖃᕐᕕᒃ, ᐃᑕᖅ, ᐊᒻᒪ ᐃᓕᓴᕐᕕᒃ, ᑖᒃᑯᐊ ᓄᐃᑕᑎᑕᐅᔪᑦ ᕿᒥᕐᕈᒍᑕᐅᔪᑦ ᖃᓄᖅ ᐊᓯᔾᔨᕐᐸᓪᓕᐊᓯᒪᓂᐊᓂᒃ ᑲᓇᑕᐅᑉ ᐅᑭᐅᕐᑕᕐᑐᖓᓂ ᑎᑎᕋᐅᔭᕐᑕᕕᓃᑦ ᑲᑎᕐᓱᕐᑕᕕᓂᖏᑦ ᑎᐊᕆ ᕋᐃᓇᓐ, ᑎᑎᕋᐅᔭᕐᑎᐅᑉ ᐊᒻᒪ ᐃᑲᔪᕐᑎᑕᐅᓯᒪᓪᓗᓂ ᑭᓐᖓᕐᓂ. ᐋᖅᑭᒃᓱᖅᑕᐅᓚᐅᕐᑐᕕᓃᑦ ᑕᖅᑭᓂ ᐱᖓᓱᓂ ᐃᓄᓐᓄᑦ ᐊᖑᑎᓄᑦ ᐊᕐᓇᓄᓪᓗ 1964 ᐱᒋᐊᓕᓵᕐᑎᓪᓗᒍ ᓄᓇᖃᐅᕐᑐᓂᑦ ᕿᕐᑭᑖᓘᑉ ᐱᖓᓐᓇᖓᓃᖓᕐᓯᒪᔪᑦ, ᑲᖏᕐᓱᒑᐱᒃ, ᒥᑦᑎᒪᑕᓕᒃ ᐊᒻᒪ ᐃᒃᐱᖓᕐᔪᒃ, ᑎᑎᕋᐅᑦᓯᐊᕐᓯᒪᔪᑦ ᐃᓄᐃᑦ ᐅᓪᓗᑕᒫᑦ ᐃᓄᓯᕆᕙᑦᑕᖓᑕ ᒥᒃᓵᓄᑦ, ᐊᑐᕐᑕᐅᓯᒪᔪᑐᖃᓂᒃ ᐊᒻᒪ ᐃᖅᑲᐅᒪᔭᖏᓐᓂᒃ ᐃᓅᓯᖓ ᐊᓯᔾᔨᕐᐸᓪᓕᐊᓕᕐᑎᓪᓗᒍ. ᑖᒃᑯᐊ ᑎᑎᖅᑐᒐᐃᑦ ᑕᑯᒃᓴᐅᒐᔭᕐᑐᑦ ᐱᖓᓲᓕᖓᔪᓂᒃ ᐅᖃᐅᓯᖃᖅᓯᒪᓗᑎᒃ: ᐅᓂᒃᑳᕐᓯᒪᔪᑦ ᑭᒃᑯᓂᖏᓐᓂᒃ, ᓄᓇᒥ, ᐊᒻᒪ ᐅᓂᒃᑳᐅᓰᕗᑦ. ᐊᑐᕐᓗᑎᒃ ᐊᔾᔨᓕᐅᕐᓯᒪᔪᓂᒃ-ᓂᐱᓕᐅᕐᓯᒪᔪᓂᒃ, ᑕᑯᔭᕐᑐᕐᓯᒪᔪᑦ ᑕᑯᔭᒐᒃᓴᓂᒃ ᑐᓴᕋᔭᕐᑐᑦ ᓂᐱᓕᐊᕆᓯᒪᔪᓂᒃ ᐊᒻᒪ ᑭᒃᑯᓂᖏᓐᓂᒃ ᑎᑎᕋᐅᔭᕐᑏᑦ, ᑭᖑᕙᖏᑕᓗ, ᐊᒻᒪ ᐃᓚᓐᓇᕆᔭᖏᑕ ᒥᒃᓵᓄᑦ, ᐊᑐᐃᓐᓇᕈᑎᑦᓯᓯᒪᔪᑦ ᐃᓚᓐᓇᕆᔭᒥᓄᑦ, ᐱᑐᖃᑎᒋᑦᓯᐊᕐᓯᒪᔭᒥᓄᑦ ᑭᒃᑯᑐᐃᓐᓇᕐᓂᒃ, ᖃᓄᐃᓕᐅᕐᓂᒃᑯᑦ ᐱᔾᔪᑎᒋᔭᖏᓪᓗ, ᑲᑎᖃᑦᑕᕐᓯᒪᓂᒃᑯᓪᓗ ᐊᒻᒪ ᑎᑎᕋᐅᔭᖅᑕᐅᓯᒪᔪᑦ ᐱᔾᔪᐅᓂᖏᑦ, ᐃᒃᐱᒍᓱᑦᓯᐊᕐᓗᑎᒃ ᐱᒻᒪᕆᐅᑎᑕᐅᔪᓂᒃ ᐃᓕᖅᑯᓯᒃᑯᑦ ᐊᑐᕐᑕᐅᓯᒪᔪᓂᒃ ᓄᓇᓕᓐᓂ ᐅᓪᓗᒥ.
ᑖᒃᑯᐊ ᑕᑯᔭᒃᓴᐅᑎᑕᐅᔪᑦ, ᐋᖅᑭᒃᓱᕐᑕᐅᓯᒪᔪᑦ ᑯᐃᑉ ᐃᑲᔪᕐᓯᐊᓄᑦ ᐃᓕᓴᐃᔨᒻᒪᕆᒻᒧᑦ ᑎᑎᕋᐅᔭᐃᑦ ᐅᓂᒃᑳᕆᔭᐅᓯᒪᓂᖏᑕ ᒥᒃᓵᓄᑦ ᐊᒻᒪ ᐊᖕᓇᔅ, ᐊᖅᑭᒃᓱᐃᔨᐅᑉ ᓄᓇᓕᑐᖃᑦᓴᔭᐃᑦ ᑎᑎᕋᐅᖅᐸᑦᑕᖏᑕ ᒥᒃᓵᓄᑦ, ᓄᐊᒪᓐ ᕗᕌᓄ, ᓴᖅᑭᑕᐅᓚᐅᕐᑐᑦ ᐱᓕᕆᖃᑎᖃᖅᓱᓂ ᐃᓕᓴᕐᑎᐅᔪᒥᒃ ᕉᔅᒥᐊᓕ ᓕᑭᒥᒃ, ᐃᓕᓴᕐᑐᒥᒃ ᕈᔅᒥᐅᓕ ᓕᒡ ᐊᒻᒪ ᑲᔪᓯᒍᓐᓇᕐᓯᒪᔪᑦ ᑮᓇᐅᔭᖃᕐᑎᑕᐅᓂᒃᑯᑦ ᑕᑯᔭᒐᖃᕕᓕᕆᔨᒧᑦ, ᑲᓇᑕᐅᑉ ᒐᕙᒪᒃᑯᖏᓐᓂᑦ. ᑎᑎᖅᑐᒐᐃᑦ ᑕᑯᓴᐅᓛᕐᑐᑦ ᐱᖅᑯᓯᓕᕆᕕᒃ ᐃᓕᖅᑯᓯᓕᕆᓂᕐᒥᒃ ᐃᓕᓐᓂᐊᕐᐱᐊᓂ ᑲᖏᕐᑐᒑᐱᒻᒥ, ᒥᑦᑎᒪᑕᓕᐅᑉ ᑕᑯᔭᒐᖃᕐᕕᐊᓂ ᐊᒻᒪ ᓄᓇᑦᑕ ᒥᓇᒃᑯᑖᕐᕕᒃ ᑕᑯᔭᒐᖃᕐᕕᐊᓂ ᐃᖃᓗᓐᓂ ᐊᐅᔭᖓᓂ 2017, ᐊᒻᒪ ᑭᖑᓂᐊᒍᑦ ᑕᑯᒃᓴᐅᓗᑎᒃ ᑲᓇᑕᒥ ᑕᑯᔭᒐᖃᕕᒻᒥ ᐊᒻᒪ ᓇᓂᓕᒫᖅ ᑲᓇᑕᒥ.
ᖃᓪᓗᓈᓂᖔᕐᑐᑦ ᐃᓕᖁᓯᐅᔪᑦ ᑎᑭᐅᑎᓗᐊᖏᓐᓂᖏᓐᓂ ᐅᑭᐅᕐᑕᕐᑐᒥᐅᓄᑦ ᐃᓄᓯᕆᓚᐅᕐᑕᖏᑦ ᒫᓐᓇᓱᓕ ᐃᓚᖏᓐᓄᑦ ᐃᓄᓯᐅᕆᔭᐅᔪᖅ ᐃᓱᒪᓂᖏᓪᓗ ᐃᓄᐃᑦ...ᐱᓇᓱᒋᐊᖃᕋᑦᑕ ᖃᓄᐃᑦᑐᓂᒃ ᑎᑎᕋᐅᔭᕐᓯᒪᔪᒃᑯᑦ ᐃᓱᒪᒋᔭᖃᕐᒪᖓᑕ ᐱᑕᖃᕐᒪᖔᑕᓗ." ᑎᐅᕆ ᕋᐃᐊᓐ
ᖁᔭᓕᔪᖓ ᐊᖓᔪᖅᑳᒃᑲ ᕿᒪᐃᔪᓐᓇᓚᐅᕐᒪᑕ. ᖃᐅᔨᒪᓚᐅᖏᑦᑐᖓ ᑎᑎᕋᐅᔭᒐᕐᓂᒃ ᕿᒪᐃᓯᒪᓂᖏᓐᓂᒃ. ᑕᑯᓪᓗᒋᑦ ᑎᕋᐅᔭᒐᖏᑦ, ᑲᒪᖃᑦᑕᓚᐅᕐᑐᖓ, ᐊᔾᔨᐅᖏᑦᑑᒃᒪᑕ. ᐃᓄᐃᑦ ᐃᓄᓯᕆᓚᐅᕐᑕᖏᓐᓂᒃ, ᐅᖃᐅᓯᕆᓚᐅᑕᖏᓐᓂᒃᒪ ᐃᓕᖁᓯᕆᓚᐅᕐᑕᖏᓐᓂᒃ - ᐊᓐᓄᕋᖏᓐᓂᒃ, ᐃᓄᓂᖏᓐᓂᒃ, ᐅᓂᒃᑲᖏᓐᓂᒃᒪ ᐆᒪᔪᓂᒃ, ᐊᖑᑎᓯᐅᑎᑦ ᐊᕐᓇᕐᓯᐅᑎᓪᓗ
ᐅᐱᑉᐳᖓ ᐊᒻᒪᓗ ᖁᕕᐊᓱᑦᑎᐊᖅᑐᖓ ᐊᓕᐊᓇᐃᑦ ᐅᖃᐅᓯᕆᔪᓐᓇᓚᐅᕋᒃᑭᑦ ᐱᓪᓗᒋᑦ ᑎᑎᕋᐅᔭᖅᓯᒪᔪᑦ, ᐱᔾᔪᑎᒋᓪᓗᒍ ᐃᓅᓯᓐᓂᒃ ᐱᐅᓯᕚᓪᓕᕐᑎᑦᑎᓯᒪᖕᒪᑕ ᖃᓄᐃᓕᖓᓚᐅᕈᓯᑦᑎᓐᓂᑦ ᑕᐃᑉᓱᒪᓂ. ᑕᑯᓪᓗᒋᑦ ᑎᑎᕋᐅᔭᖅᓯᒪᔪᑦ, ᐃᓱᒪᔪᖓ, ᐅᓇ ᐃᓅᓯᐅᓚᐅᖅᑐᖅ ᑕᐃᑲᓂ ᐃᓅᒐᒥᒃ, ᐊᒻᒪᓗ ᐃᖃᐅᒪᔭᒃᑲ ᖃᓄᐃᓕᕙᓚᐅᖅᑐᑦ ᐊᒻᒪᓗ ᓴᓇᖃᑦᑕᓚᐅᖅᑕᕗᑦ ᑕᐃᑉᓱᒪᓂ. ᐱᐅᕗᑦ ᑕᒪᒃᑯᐊ. ᑎᑎᕋᐅᔭᖅᓯᒪᔪᑦ ᐃᖃᐃᑦᑎᑎᐋᑲᓐᓂᖅᑐᑦ ᐅᕙᓐᓂᒃ.
